Servizo buffet Caldaria
Ti que coñeces Caldaria, gozarías durante as túas estancias nos nosos balnearios da calidade e do sabor do noso buffet. Agora podes gozar desa calidade sen necesidade de estar aloxado no Balneario.
Servizo á carta
Os nosos mellores pratos, cociña de tempada e toda a riqueza gastronómica de Galicia. Chámanos para máis información ou realizar o teu reserva de restauración.
Xunto aos ríos Miño e Arnoia, entre montes e bosques, rodeado de xardíns, é o lugar idóneo para gozar de Saúde, Natureza e Descanso.
A catro quilómetros da vila histórica de Ribadavia e próximo ás principais cidades galegas.
O hotel ten 89 habitacións, todas exteriores, algunhas delas
dispoñen dunha agradable terraza.
Todas están perfectamente equipadas para unha estancia cómoda e agradable.
O noso balneario ofrece ao visitante a indescritible sensación de gozar dun tratamento terapéutico no medio da natureza.
Pazo Casanova é unha sociedade familiar, constituída no ano 2000, que elabora viños de alta calidade baseados na riqueza varietal autoctona galega e nas extraordinarias condicións dos chans do Ribeiro.
Conta con dez hectáreas de viñedo propio das variedades Treixadura, Albariño, Godello e Loureira, orientadas ao sur e a poñente, protexidas polas murallas do Pazo Casanova (s. XVIII).
O traballo na viña respecta o medio ambiente a través da Produción Integrada e en adega aplícanse as máis modernas técnicas que garanten a trazabilidad dos nosos viños.
A utilización exclusiva de uvas da propiedade, complétase coa exhaustiva selección das mellores uvas para elaborar tanto CASANOVA como CASANOVA MÁXIMA, que permaneceu coas súas leas varios meses.
Co excelente bagazo obtido, elabóranse diversos tipos de bagazos e licores, todos eles baixo o nome da propiedade: PAZO CASANOVA.
O Pazo dos Ulloa de Esposende é unha construción de principios de século XV e atópase situado en pleno corazón da Comarca vitivinícola do Ribeiro, a beiras do río Avia, pouco antes de que este morra no Pai Miño.
Forma parte do rico pasado de Ribadavia, coñecida desde sempre polos seus famosos viños e a súa abundante riqueza monumental, natural e paisaxística; un pasado que deixou, ademais de casas fidalgas e nobres pazos, igrexas, capelas, santuarios e conventos.
Actualmente o Pazo dos Ulloa de Esposende consta de 5 habitacións dobres dispoñibles para o seu aluguer. Cada habitación posúe un cuarto de baño independente e todos os útiles necesarios para o seu descanso e comodidade.
Situado na capital do Ribeiro, zona vitivinícola histórica de Galicia. A súa proximidade a Ribadavia e a súa proximidade coa natureza fan deste hotel o lugar ideal para gozar dunha estancia tranquila.
Sábrego é a nosa terra. A terra do Ribeiro. É onde afunden as súas raíces cepas antigas como a treixadura, o godello, o torrontés… É a terra nai.
Do sábrego que nos rodea á cociña de Sábrego Restaurante: unha aposta decidido por produtos locais, receitas de sempre reinventadas polo noso chef para ser gozadas con/na serenidade que achega comer entre viñas.
O ingrediente final de Sábrego Restaurante é unha chiscadela aos nosos comensais: presentacións con faísca, cun algo diferente… Porque a cociña de Sábrego non só se goza co padal senón con todos os sentidos…
O visitante atópase nun recuperado Casal do século XVIII, segundo reza a inscrición dun dos seus dinteles: AD 1727. Acompañado dun signo profiláctico, era a antiga maneira de asinar as súas obras os canteiros que, con esforzo, levantaron as vellas pedras do Casal.
O hotel ocupa a planta superior da edificación onde se sitúan seis habitacións e un salón común de máis de cen metros cadrados.
A familia González Vázquez, propietarios de Casal de Armán, dan vida no Ribeiro, a denominación de orixe máis antiga de Galicia, a un dos proxectos vinícolas máis personales e de maior calidade da Comunidade.
Aínda que a tradición do cultivo da vide remóntase catro xeracións atrás, é nos anos 90 cando, coa restauración dun antigo casal do século XVIII, danlle un enfoque máis empresarial.
A paixón e o arraigamento da familia por esta histórica comarca vese reflectida nunha clara aposta pola calidade, tanto dos viños que elaboran, como do hotel rural e o restaurante gastronómico “Sábrego”, que actualmente ocupan as antigas dependencias do Casal de Armán.
Para a elaboración dos seus viños, Casal de Armán utiliza exclusivamente uvas autóctonas do Ribeiro plantadas no val do Avia (a subzona situada máis ao norte do D.O.). A súa filosofía é tratar de reflectir na botella a tipicidade dos viños deste histórico val con chans de composición granítica (sábrego), onde se atopa o Mosteiro de San Clodio.
Coa variedade Treixadura, acompañada en pequenas proporcións de Albariño e Godello, elabora os seus brancos baixo as marcas Casal de Armán e 7 Cotas Branco, e coas tintas Sousón, Caíño Longo e Brancellao elabora Casal de Armán Tinto e 7 Cotas Tinto.
Dous das leiras , na súa parte máis alta, ofrecen un viño que mostra de maneira nítida e elegante as características do lugar onde están plantadas, e é por iso polo que as vinificamos por separado, creando así as marcas Armán Leira Misenhora e Armán Leira Vos Loureiros.
Crearon tamén un viño doce de embriagador aroma e exquisito equilibrio chamado Armán Doce.
Pero aí non termina todo, un proxecto de I+D está en constante procura da excelencia e de novos camiños que poderían nun futuro darnos grandes alegrías.
Somos Dori e Jorge, dous enxeñeiros de formación que decidimos dar un xiro ás nosas vidas para convertir a nosa paixón no noso proxecto vital. Celme, a nosa adega nace no ano 2016 na D.O. Ribeiro na parroquia de Astariz (Castrelo de Miño). Os nosos viños son o resultado dun traballo minucioso e respetuoso co medio ambiente, utilizando exclusivamente castes autóctonas para elaborar viños de excelente calidade.
De luns a domingo, con cita previa. Prezo: visita + cata 14,5€
Somos unha adega familiar que escribe a súa propia historia desde fai 3 xeracións e que a través da dedicación, o coidado e a sabia combinación e selección das nosas variedades autóctonas, logramos elaborar viños de notable calidade, diferentes e con acusada personalidade que están a conseguir importantes recoñecementos nos últimos anos.
Se os seus muros falasen, poderían comentarnos cales foron as mellores anadas das máis de 800 que contemplaron; contaríannos como evolucionou a elaboración dos viños a través dos séculos, cun denominador común: as uvas de Cuñas, reflexo dun dos mellores terroirs do Ribeiro.
Valdavia consta de dous edificios que foron restaurados respectando estruturas e materiarles orixinais, dotándoos da tecnoloxía e medios necesarios para garantir a elaboración de viños de calidade.
O lagar, onde se realizaban antigamente as operacións de vendima, é hoxe a área de recepción, cata e tenda para os visitantes.
A adega, que mantén a súa función orixinal pero con medios mellorados, ten capacidade para elaborar até 30.000 botellas ao ano. Dispón de zona separada para operacións de vendima, sala de depósitos e unha pequena sala de embotellado.
