Este evento tan especial chega o próximo 18 de abril, a data que escolleu a “A World Food Travel Association ( WFTA) para convidar aos viaxeiros de todo o mundo, en especial aos amantes da gastronomía, así como aos sectores do turismo e a hostalería, a unirse e celebrar xuntos o Día Mundial do Turismo Gastronómico (World Food Travel).
Na tarde do luns 2 de marzo de 2020, o Museo do Viño de Galicia acolleu a presentación da estratexia da Asociación Ruta do Viño do Ribeiro para a dinamización enoturística do seu territorio e que conta coma obxectivo principal a potenciación do territorio ribeirán como destino enoturístico de calidade.
A marca EnoTurismo Galicia, que agrupa a establecementos e adegas do cinco rutas do viño galegas, será a protagonista dun workshop que se celebrará en Madrid o luns 28 de outubro, na que se poderá coñecer a oferta de 30 empresas da Ruta do Veu Rías Baixas, Ruta do Viño Ribeiro, Ruta do Viño Ribeira Sacra, Ruta do Viño Monterrei e da Ruta do Viño Valdeorras.
A Ruta do Viño do Ribeiro estará representada por Cuñas Davia, Viña Costeira, Caldaria, Genuine Galicia, Eurostars Monasterio de San Clodio e Adegas Celme.
Entre os obxectivos desta acción promocional están o impulsar Galicia como destino enoturístico e o de servir como punto de encontro para o sector, as súas empresas e profesionais vinculados co sector tales como empresas organizadoras de congresos e eventos; prensa; e, en xeral, profesionais dos sectores DMC e MICE.
O Clúster de Turismo de Galicia organiza este evento, co apoio da Xunta de Galicia – Axencia de Turismo de Galicia -como parte da continuidade no impulso da marca Enoturismo Galicia, nacida no marco do concurso de ideas do Clúster. Impulsada polo cinco rutas do viño en colaboración co Clúster Turismo de Galicia e con Turismo de Galicia, Enoturismo Galicia é unha marca paraugas baixo a que se agrupa a oferta enoturística do cinco rutas do viño galegas: Rías Baixas, Ribeiro, Valdeorras, Ribeira Sacra e Monterrei co obxectivo de promocionar a oferta enoturística do territorio de forma conxunta, xerando sinerxías entre o cinco rutas.
Xa están dispoñibles as entradas para as rutas do #viñobus Xeodestino Ribeiro Carballiño de setembro.
Tres itinerarios temáticos con diferentes datas e puntos de saída:
O prezo e de 15€ por persoa.
A comarca do Ribeiro acollerá durante os días 6, 7 e 8 de setembro, un simposium titulado “A pegada histórica do viño no Camiño de Santiago”. Esta iniciativa, organizada polo CRDO Ribeiro e pola Asociación Ruta do Viño do Ribeiro, desenvólvese ao abeiro do programa “O teu Xacobeo” impulsado pola Xunta de Galicia a través da Consellería de Cultura e Turismo.
Nesta acción na que participarán profesionais da enoloxía, historia, arqueoloxía, xeografía, antropoloxía así como xornalistas de toda a xeografía española, procura analizar e promocionar a relevancia que a cultura do viño tivo e mantén nas diferentes manifestacións do Camiño de Santiago.
Segundo Juan M. Casares, presidente do CRDO e da Ruta do Viño Ribeiro, “estas xornadas teñen como obxectivo poñer en valor a importancia histórica que o viño do Ribeiro tivo durante séculos en Galicia así como salientar o papel económico deste produto nos tramos galegos deste traxecto de peregrinación fundamental para entendermos Galicia como feito universal.”.
Neste sentido, Juan Casares apunta que “O Ribeiro foi o subministrador principal non só do viño que os peregrinos bebían para reconfortarse en Santiago senón tamén o que consumiron ao longo das derradeiras etapas do Camiño”. En resumen, di Juan Casares, “queremos demostrar algo que na comarca todos sabemos: que o Ribeiro foi o gran viño nacional de Galicia e un alicerce fundamental da súa economía durante séculos.”
O Vicepresidente da Deputación Provincial de Ourense, Rosendo Fernández, salientou a importancia destas xornadas para a posta en valor dunha comarca vitivinícola histórica e dos seus recursos enoturísticos.
Tamén lembrou Rosendo Fernández a campaña “Ruta do Viño do Ribeiro. O Camiño do viño” na que catro institucións como o CRDO Ribeiro o Xeodestino O Ribeiro-Carballiño, a Ruta do viño do Ribeiro e a Deputación Provincial de Ourense, “cooperan para facer unha fronte común que aposte decididamente por potenciar o territorio do Ribeiro; revitalizar unha comarca vitivinícola histórica e potenciala coma destino enoturístico. Para iso estase a poñer en valor o territorio, a paisaxe, os recursos arquitectónicos culturais e outros coma o termalismo, utilizando o viño Ribeiro e a riqueza da súa historia como fíos condutores.”
Esta acción conta ademais coa colaboración das Asociacións de Lagares Rupestres de Portugal e de España; a Asociación de Sumilleres de Galicia (Gallaecia); o Museo do Viño de Galicia e os Concellos de Ribadavia e de Castrelo de Miño.
Asemade as xornadas contan co patrocinio de ABANCA.
O programa do simposium
Durante tres días profesionais de toda a península participarán nunhas intensas xornadas formativas e de divulgación no corazón de Galicia nun dos seus centros históricos de produción e comercialización de viño: O Ribeiro. A este respecto o recentemente inaugurado Museo do Viño de Galicia acollerá a este grupo de especialistas na historia do viño para poñer de manifesto a súa relevancia no Camiño de Santiago.
O programa das xornadas prevé abordar diferentes formatos de divulgación, xa que o grupo de participantes terá a oportunidade de coñecer os diferentes recursos turísticos, históricos e culturais da Ruta do Viño en particular e do Ribeiro en xeral.
O programa (que se xunta) inclúe tres sesións técnicas nas que se expoñerán unha serie de ponencias sobre distintos aspectos do papel do viño no Camiño de Santiago e as súas pegadas desde os puntos de vista arqueolóxico, histórico, e etnolóxico e etnográfico. É importante salientar que o profesor Jose Luis Sobrado disertará sobre o Camiño dos Arrieiros, un traxecto económico que ligaba ao Ribeiro con Santiago de Compostela e Pontevedra como puntos fundamentais para o consumo e difusión deste produto por toda Galicia e para a súa internacionalización.
O teu Xacobeo
Esta convocatoria do programa o Teu Xacobeo enmárcase no Plan de Dinamización cultural do Xacobeo 2021, que comprende todas aquelas actividades dirixidas á difusión, divulgación e promoción do Camiño de Santiago e do patrimonio material e inmaterial vencellado a el, prestando especial atención ás actividades que como, este Simposium A Pegada Histórica do Camiño de Santiago, promoven a participación, a reflexión e o debate cidadá.
O consello Regulador da D.O Ribeiro e a Ruta do Viño reforzan a súa colaboración para a mellora da promoción e a difusión do territorio como un destino referente na cultura do viño.
PROGRAMA DO SIMPOSIUM “A PEGADA HISTÓRICA DO VIÑO NO CAMIÑO DE SANTIAGO”
Venres 6 de setembro
17.00h.- Chegada de participantes.
18.00h.- Visita guiada ao Castro de Lansbrica (Castro de San Cibrao de Las) e ao Parque Arqueolóxico da Cultura Castrexa. O maior asentamento castrexo de Galicia.
20.30h.- Balneario de Laias. Benvida do presidente do C.R.D.O. Ribeiro e da Ruta do Viño do Ribeiro, Juan Manuel Casares Gándara. I Sesión técnica: Asemblea Xeral da Asociación Hispano-Lusa de Lagares Rupestres.
22.00h.- Cea
Sábado 7 de setembro
10.00h.- Visita ao Museo do Viño de Galicia.
Ruta polos Lagares Rupestres de Carballeda de Avia.
11.30h.- Visita ao Lagar Rupestre de Arnoia
13.00h.- Astariz (Castrelo de Miño). Visita guiada ao Lagar Rupestre A Campaza no Castro de Santa Lucía, xacemento arqueolóxico con Lagar Rupestre Romano datado do século II
Brinde polo Ribeiro coa presenza do presidente do C.R.D.O. Ribeiro e da Ruta do Viño do Ribeiro, Juan Manuel Casares Gándara.
16.45h.- Recepción oficial: contaremos coa presencia de representantes da Xunta de Galicia e do Presidente del C.R.D.O. Ribeiro e da Ruta do Viño do Ribeiro, Juan Manuel Casares Gándara.
17.00h.- II sesión técnica: Ponencias dos Camiños de Santiago. Con libre asistencia de público. Museo do Viño de Galicia
Luis Vicente Elias – Las Prensas Místicas (Doctor en Antropología)
Eugenio Monesma – El Vino en los Caminos de santiago del norte de Aragón (Realizador de Cine Etnográfico
Joaquín Berrocal – Paisajes del Vino en el camino de Santiago del Sur Salamantino (Licenciado en Geografía e Historia)
José Luis Sobrado – O Camiño dos Arrieros (Historiador)
19.00h.- III Sesión técnica: Mesa redonda sobre o valor patrimonial, de identidade e turístico dos elementos, espazos e paisaxes do viño nos Camiños de Santiago
Javier Pérez Andrés – moderador (Xornalista de Castilla León)
Mª Asunción Martínez (Doctora en Arqueoloxía – Museóloga – Especialista en arqueoloxía do Viño)
Julio Grande (Licenciado en Humanidades – Director do proxecto Petra)
Cesar Llana (Doutor en arqueología – Museólogo). Director do Museo do Viño de Galicia.
20.00h.- Túnel do viño da D.O. Ribeiro.
Domingo 08 de setembro
09.30h.- Visita A Granxa do Outeiro en Francelos , bodega histórica do século XV
10.30h.- Visitas guiadas ao conxunto monumental Castelo de Ribadavia e barrio xudeo.
12.30h.- Cata de uvas da D.O. Ribeiro. Imparte Nuria Álvarez, directora técnica D.O. Ribeiro
17.30h.- Fin das xornadas
