Concellos – Ruta do Viño do Ribeiro

Os Concellos da Ruta

Ribadavia

Ribadavia, concello que destaca polo seu interesante patrimonio histórico-artístico e polas súas festas e tradicións, que o converten nun deses lugares máxicos que hai que visitar.

Situado ao suroeste da provincia de Ourense, é o corazón da comarca do Ribeiro. Atópase a beiras do rio Avia, aﬂuente do Miño, do cal deriva o seu nome: “Riba do Avia”, que signiﬁca “encima do Avia”.

Podemos destacar o Casco Vello, o castelo dos Sarmiento, o Barrio Xudeo, un dos máis relevantes de España, e a zona fluvial da A Veronza. Ribadavia é unha vila onde disfrutar da gastronomía e dos bos viños da D.O. Ribeiro.

Web Turismo: https://turismoribadavia.gal/

Castrelo de Miño

Castrelo de MIño é un concello cun enorme potencial turístico e económico, encadrado na Denominación de Orixe Ribeiro, e onde se concentran o maior número de hectáreas de viñedos da D.O.

A viticultura é o motor económico do municipio e iso tradúcese en moitas adegas e colleiteiros dentro do seu territorio, que ademáis de elaborar excelentes viños, ofrecen un enoturismo de calidade.

Castrelo conta tamén cun importante patrimonio cultural e histórico da época castrexa e con arquitectura relixiosa. O seu encoro permite gozar de actividades acuáticas nunha contorna inigualable. A paisaxe, a auga, o viño e a natureza compoñen Castrelo de Miño.

Web: https://www.castrelo.org/gl/

Cenlle

O Concello de Cenlle sitúase entre as serras de Faro e Suido, onde conflúen os vales dos ríos Arnoia, Barbantiño, Miño, e por suposto o Avia. Polo tanto, é un territorio marcado por un clima idóneo para a viticultura, un dos seus motores económicos.

Outra das súas potencialidades son as aguas termais, onde destacamos o Balneario de Laias e a zona termal de Barbantes. O seu patrimonio histórico e a súa natureza, invitan tamén aos viaxeiros a facer parada obrigada e disfrutar do Enoturismo.

Web: https://cenlle.es/

Leiro

O Concello de Leiro vertébrase en torno ao río Avia, deixando fermosas paisaxes nas súas ribeiras, e onde destaca a praia fluvial e paseo do Salgueiral, dun dos seus atractivos.

O seu patrimonio cultural e histórico é un dos seus reclamos, destacando o Hotel Monumento Mosteiro de San Clodio, a ponte medieval e as igrexas parroquiais. Tamén é un territorio cheo de viñedos, con destacadas adegas e colleiteiros.

Web: https://concellodeleiro.com/

San Amaro

O concello de San Amaro aglutina natureza, cultura e patrimonio. Un fermoso territorio onde perderse facendo unha ruta de senderismo ou visitando lugares máxicos cheos de historia.

Podemos destacar o Parque arqueolóxico de San Cibrao de Lás, declarado BIC en 2025, a ermita de San Trocado nun outeiro privilexiado sobre o val do Miño, e numerosas igrexas parroquiais como a de Salamonde, San Fiz de Navío, ou Santa María das Neves de Grixoa.

Web: Concello San Amaro

Boborás

Boborás é un lugar, entre o Ribeiro e o Paraño, regado polos ríos Avia, Arenteiro, Viñao…entre outros, onde a natureza ten sons, ten vida, e a historia adiviñase e intúese en cada pedra, en cada monumento.

Pazos, pontes medievais, igrexas románicas e barrocas, castros, mámoas, restos de torres, eiras, horreos, cruceiros…forman parte da nosa riqueza arquitectónica. Por destacar unha obrigada visita, o conxunto histórico de Pazos de Arenteiro e o Pozo dos fumes serían os elexidos.

Web: http://boboras.gal/

O Carballiño

O Carballiño, concello e vila famosos pola súa simbiose co pulpo e as/os pulpeiras/os, ofrece aos visitantes moito máis que a súa gastronomía. Patrimonio, natureza, comercio, termalismo, un compendio de recursos turísticos que o converten nunha referencia turística.

Podemos destacar a magnífica igrexa da Veracruz, de Antonio Palacios, a Pena dos namorados, o barrio das Frores, o Parque Etnográfico ou o extenso Parque municipal á ribeira do río Arenteiro. Para completar a xornada, un relaxante baño termal nas Caldas de Partovia.

Web: https://turismo.carballino.gal/

Toén

O Concello de Toén é un auténtico balcón sobre o río Miño, e nas súas ladeiras atopamos un manto de viñedos, dos que xurden viños de calidade dentro da D.O. Ribeiro.

Ademáis de ribeiras, Toén tamén conta con moita natureza onde disfrutar de roteiros e fermosas paisaxes. Non esquecemos o seu patrimonio cultural, destacando o núcleo de Moreiras coa súa igrexa e o conxunto de hórreos.

Web: https://toen.gal/

Ourense

O concello de Ourense, atravesado polo río Miño, que separa a súa cidade en dous e por elo conta con moitas pontes, algunhas tan senlleiras coma a Ponte Vella e a Ponte do Milenio. Nas súas ribeiras, contamos cun fermoso paseo circular e atopamos as súas famosas termas.

O Casco Vello, a Catedral, as igrexas monumentais, a fonte das Burgas, son motivos dabondo para visitar esta cidade e este concello. E se buscamos natureza, sobre a cidade atopamos o Parque Botánico do Montealegre.

Web: https://ourense.gal/turismo/

Castro de Santa Lucía

museo sefardi ribadavia ruta vino ribeiro 08

museo sefardi ribadavia ruta vino ribeiro 07

museo sefardi ribadavia ruta vino ribeiro 03

Poboado fortificado galaico-romano habitado desde o cambio de era ata a época tardo-antiga (ss. I-VII d.C.). No s. XVIII construíuse unha capela adicada a Sta. Lucía, actualmente desaparecida, que é a que lle dá nome ao castro.

As escavacións arqueolóxicas emprendidas desde 2016 teñen descuberto diversas construcións de raíz indíxena (cabanas circulares castrexas) e romana (muros e rebaixes en ángulo recto), destacando especialmente un lagar rupestre de cronoloxía inequivocamente romana.

Tamén hai que subliñar os valores naturais e paisaxísticos do sitio, con inmensos bolos graníticos na croa (penedo de Sta. Lucía), vexetación autóctona de bocarribeira (carballos, loureiros, érvedos, silvardeiras) e impresionantes vistas sobre o Miño.

+34 988 471 275

turismo@ribadavia.es

http://www.ribadavia.com