Monasterio de San Clodio Hotel & Spa

Somos moito máis que un hotel. Un mosteiro cisterciense do século XII maxistralmente rehabilitado como hotel pola Xunta de Galicia. Os nosos muros respiran historia.

Foi na súa orixe morada dos monxes cistercienses, posteriormente de monxes benedictinos, e hoxe en día abre as súas portas para que sexas ti quen goce da paz e a tranquilidade dos seus claustros, as súas estancias e a súa marabillosa contorna no corazón da comarca ourensá de Ribeiro.

Máis aló do aloxamento no hotel, o Eurostars Monumento Mosteiro de San Clodio Hotel & Spa supón unha excepcional elección para banquetes e reunións de empresa. O mosteiro dispón de cinco salóns (Cova Sacra, Abad, Cisterciense, Benedictino e Medieval) distribuídos nos seus dous claustros, cunha excelente acústica e as mellores dotacións técnicas.

A contorna, sen dúbida, sorprenderá aos invitados. Os nosos salóns son tamén ideais para albergar vodas, comuñóns ou bautizos.